ԱԿՆԱՐԿ, ԲԱՆԱՍՏԵՂԾՈՒՀԻ ԵՒ ԱՐՁԱԿԱԳԻՐ ԱՐՄԻՆԵ ԱՊՐԵՍՅԱՆ

Ողջույն հարգելի՛ խմբակիցներ, իմ շատ սիրելի՛ հայրենակիցներ, արվեստասեր հանրություն այս անգամ ակնարկ ձևաչափով կխոսեմ բանաստեղծուհի և արձակագիր, «Պատանի ստեղծագործողների ակումբի» հիմնադիր, 6 գրքերի հեղինակ, գործընկեր՝ Արմինե Ապրեսյանի մասին։ Մի քանի խոսք մեր հերոսուհու մասին։ Արմինե Մուշեղի Ապրեսյանը ծնվել է Արցախի

մայրաքաղաք Ստեփանակերտում: Բարձրագույն կրթությունը ստացել է Արցախի պետական համալսարանի բանասիրության ֆակուլտետում՝ որպես օտար լեզուների մասնագետ: Ստեղծագործում է 8 տարեկանից:

Հանդիսանում է 6 գրքերի հեղինակ, որոնցից են. «Իմ սիրո գույնը», «Կյանքի դիմագծերը», «Խաղաղությունը դողէրոցքի մեջ»/ տպագրված Արցախում «Վերասլացք», «Հուշերի գեղադիտակ», «Հեքիաթներ արցախյան բարբառով»/ տպագրված Մայր Հայաստանում: Նրա ստեղծագործությունները տպագրվել են հայրենի Արցախի մի շարք թերթերում ու պարբերականներում. «Ստեփանակերտ»,

«Հայկի Սերունդ», «Ազատ Արցախ», «Լուսարար», Դիլիջանի համայնքային լրագրում, «Հայաստան» պարբերականում, ՀՀ ԳՄ Գրական թերթում, ԱՄՆ-ի հայ գրողների միության «Վերնատուն» պարբերականում:

Այժմ մեր շնորհաշատ հերոսուհին շարունակում է ապրել և ստեղծագործել՝ Դիլիջանում։ Հրապարակման ներկայացրեց՝ Վաչե Գրիգորյանը։ Լուսանկարները Արմինե Ապրեսյանի անձնական ալբոմից։ Նյութերը բլոգում տեղադրեց մեր պաշտոնական բլոգների, յութուբյան էջերի և տեխնիկական մասի պատասխանատու՝ Արթուր Տեր-Սահակյանը։